پی ایس ایل، کراچی کنگز نے کوئٹہ گلیڈی ایٹرز کو شکست دے دی
پاکستان سپر لیگ 2026 کے دوسرے سنسنی خیز مقابلے میں کراچی کنگز نے کوئٹہ گلیڈی ایٹرز کو 14 رنز سے شکست دے کر ایونٹ میں فاتحانہ آغاز کر دیا ہے۔ لاہور میں کھیلے گئے اس میچ میں کراچی کنگز نے پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 181 رنز بنائے۔ کراچی کی جانب سے معین علی 48 رنز بنا کر ناٹ آؤٹ رہے جبکہ کپتان ڈیوڈ وارنر نے 35 اور سعد بیگ نے 30 رنز کی مفید اننگز کھیلی۔ کوئٹہ گلیڈی ایٹرز کی جانب سے احمد دانیال نے بہترین بولنگ کا مظاہرہ کرتے ہوئے 3 وکٹیں حاصل کیں جبکہ الزاری جوزف نے 2 کھلاڑیوں کو آؤٹ کیا۔182 رنز کے ہدف کے تعاقب میں کوئٹہ گلیڈی ایٹرز کی ٹیم مقررہ اوورز میں 7 وکٹوں پر 167 رنز ہی بنا سکی۔ کوئٹہ کے اوپنر شمیل حسین نے جارحانہ بیٹنگ کرتے ہوئے محض 24 گیندوں پر 52 رنز کی برق رفتار اننگز کھیلی اور سعود شکیل نے 33 رنز بنائے، تاہم مڈل آرڈر کی ناکامی کے باعث ٹیم ہدف تک پہنچنے میں ناکام رہی۔ کراچی کنگز کی جیت میں حسن علی نے کلیدی کردار ادا کیا جنہوں نے شاندار بولنگ کرتے ہوئے 27 رنز دے کر 4 اہم وکٹیں حاصل کیں، جبکہ معین علی، ایڈم زیمپا اور سلمان آغا نے ایک ایک وکٹ لی۔ اس فتح کے ساتھ ہی کراچی کنگز نے پوائنٹس ٹیبل پر اپنی پوزیشن مستحکم کر لی ہے۔
Leave A Comment