تبت میں شدید زلزلہ، شدت 7 ریکارڈ
چین کے تبت میں شدید زلزلے کے جھٹکے محسوس کیے گئے ہیں، جس کی شدت ریکٹر سکیل پر 7 ریکارڈ کی گئی ہے۔ چائنا ارتھ کوئیک نیٹ ورکس سینٹر نے بتایا کہ زلزلہ جمعرات کی رات آیا۔ زلزلے کا مرکز جنوب مغربی تبت کے شہر ناگچو کی باقین کاؤنٹی میں تھا، جبکہ اس کی گہرائی زمین کے اندر 10 کلومیٹر ریکارڈ کی گئی۔زلزلے کے مرکز کے جغرافیائی محل وقوع کے مطابق یہ 32.40 ڈگری شمالی عرض بلد اور 93.79 ڈگری مشرقی طول بلد پر واقع تھا۔زلزلے کے جھٹکے مقامی علاقے میں واضح طور پر محسوس کیے گئے، زلزلے کا مرکز تبت کے دارالحکومت لہاسا سے تقریباً 400 کلومیٹر دور تھا۔
Leave A Comment