سیالکوٹ : گزشتہ روز قبرستان سے ملنےوالی 2معصوم بچوں کی لاشوں کی قاتل ماں نکلی
گاؤں بھیکو چھور کے قریب گزشتہ روز بے دردی سے قتل ہونے والے 2 معصوم بچوں کے کیس کا ڈراپ سین ہوگیا، سگی ماں ہی دونوں بچوں کی قاتل نکلی۔ڈی پی او سیالکوٹ نے بتایا کہ سنگ دل ماں نے بچوں کو اینٹوں کے وار کر کے قتل کیا، بچوں نے اپنی والدہ کو قابلِ اعتراض حالت میں اس کے دوست کے ساتھ دیکھ لیا تھا۔راز کھلنے کے ڈر سے سفاک ماں نے بے رحمی کے ساتھ3 سالہ بیٹے وارث اور 6 سالہ بیٹی امِ کلثوم کو قتل کرنے کے بعد اُن کی لاشیں قبرستان میں پھینک دی تھیں۔ واقعے کے چند گھنٹے گزرنے کے بعد ہی ملزمہ ماں نادرا اور اس کے ساتھی فاروق کو گرفتار کر لیا گیا۔ڈی پی او کا کہنا تھا کہ گرفتار ملزمان کو عبرتناک سزا دلوائی جائے گی۔
Leave A Comment