جھنگ: کار پر فائرنگ، ڈسٹرکٹ بار کے سابق صدرسمیت 3 افراد جاں بحق
جھنگ میں گوجرہ روڈ پر موٹرسائیکل پر سوار 2 مسلح ملزمان نے وکیل کی گاڑی پر اندھا دھند فائرنگ کر دی، جس کے نتیجے میں جھنگ ڈسٹرکٹ بار ایسوسی ایشن کے سابق صدر مہر محمد منیر سدھانا، ان کا ڈرائیور اور ایک راہ گیر ہلاک جبکہ ایک دکاندار زخمی ہو گیا۔جھنگ سیٹلائٹ ٹاؤن پولیس کے مطابق حملہ آور فائرنگ کے بعد فرار ہونے میں کامیاب ہو گئے۔منیر سدھانا اپنی گاڑی پر جھنگ ڈسٹرکٹ کورٹس کمپلیکس جا رہے تھے، ان کی گاڑی پر بلقیس ہسپتال کے قریب حملہ کیا گیا، فائرنگ کے نتیجے میں ان کا ڈرائیور ممتاز احمد موقع پر ہی جاں بحق ہو گیا جب کہ سدھانہ خود، دکاندار اور راہ گیر مشتاق کو جھنگ ڈسٹرکٹ ہیڈکوارٹر اسپتال منتقل کیا گیا جہاں سدھانا اور راہگیر دونوں زخموں کی تاب نہ لاتے ہوئے چل بسے۔
Leave A Comment