سوات:گوالیرئی میں ڈکیتی ، پولیس نے دو ملزمان کو گرفتارکرلیا ، چھینی گئی رقم اور اسلحہ برآمد
تحصیل مٹہ میں گوالیرئی پولیس نے کارروائی کرتے ہوئےخود کو سرکاری اہلکار ظاہر کرکے گھر میں ڈکیتی کرنے والے ملزمان کو گرفتار کرلیا ، ایس ایچ او تھانہ گوالیرئی نے انوسٹی گیشن آفیسر کے ہمراہ میڈیا کو تفصیلات بتاتے ہوئے کہاکہ دو جون کو جہانزیب نامی شخص کی بیوی نے پولیس کو رپورٹ درج کراتے ہوئے کہاکہ رات کے وقت چھ افراد نے ان کے گھر میں داخل ہوکر خود کو سرکاری اہلکار ظاہر کرکے ہمیں ایک کمرے میں بند کیا اور ہم سے چھ موبائل فونز ،سونے کے زیوارت 9تولے اور6لاکھ روپے نقدی لے گئے تھے ۔
پولیس نے مقدمہ درج کرکے جدیدٹیکنالوجی اور شواہد کی مدد سے دو ملزمان حیدر علی ولد سید علی سکنہ بھادر بانڈہ اور حضرت بلال ولد مشکار سکنہ سیدڑہ کو گرفتارکرلیا ہے اور ان کے قبضے سے چھینی گئی رقم میں سے 3 لاکھ 80 ہزار روپے اور دو عدد پستول 30 بور بمع 12 عددگو لیاں برآمد کر لئے۔ملزمان کو بند حوالات کر دیا ہے جبکہ دیگر ملزمان کی تلاش جاری ہے ۔
Leave A Comment