اوکاڑہ : معاون خصوصی سلمہ بٹ کا نگہبان رمضان سہولت بازار کا دورہ
معاون خصوصی وزیراعلیٰ پنجاب سلمہ بٹ نے اوکاڑہ میں نگہبان رمضان سہولت بازار کا دورہ کیا اور اشیائے خورونوش کے ریٹس اور کوالٹی کا جائزہ لیا۔ اس موقع پر ڈپٹی کمشنر احمد عثمان جاوید، ایڈیشنل ڈپٹی کمشنر جنرل احمد سلیم چشتی سمیت متعلقہ محکموں کے افسران بھی موجود تھے۔
معاون خصوصی نے سرکاری نرخنامے پر عملدرآمد یقینی بنانے کے لیے مسلسل مانیٹرنگ کی ہدایت کی اور خریداروں سے سہولت بازار میں دستیاب اشیاء کے بارے میں تاثرات بھی دریافت کیے۔ معاون خصوصی سلمہ بٹ نے پریس کانفرنس کرتے ہوئے کہا کہ وزیراعلیٰ پنجاب مریم نواز شریف رمضان المبارک میں بالخصوص کم آمدن والے طبقے کو ریلیف فراہم کرنے کے لیے پرعزم ہیں۔ نگہبان رمضان کارڈ کے ذریعے ضلع اوکاڑہ میں ایک لاکھ 14 ہزار گھرانوں کو 10 ہزار روپے فی کس فراہم کیے جا چکے ہیں۔انہوں نے بتایا کہ نگہبان رمضان دسترخوانوں سے اب تک 54 ہزار سے زائد روزہ دار مستفید ہو چکے ہیں، جبکہ حکومت اشیائے خورد و نوش کی قیمتوں میں استحکام اور سپلائی بڑھانے پر توجہ دے رہی ہے۔ انہوں نے خبردار کیا کہ پٹرول کی قیمتوں میں اضافے کی آڑ میں گرانفروشی کرنے والوں کے خلاف سخت کارروائی کی جائے گی۔معاون خصوصی نے رمضان سہولت بازار میں عوام کو سستے داموں اشیائے ضروریہ کی فراہمی پر اطمینان کا اظہار بھی کیا۔
Leave A Comment