rehber Logo

قومی کرکٹ ٹیم کی مینجمنٹ نے دورہ ویسٹ انڈیز میں پہلے ٹیسٹ کے لیے پلیئنگ الیون پر ابتدائی مشاورت شروع کر دی۔ذرائع کے مطابق قومی ٹیم مینجمنٹ 7 اسپیشلسٹ بیٹرز کے ساتھ میدان میں اترنے کا منصوبہ رکھتی ہے۔ اذان اویس، امام الحق، شان مسعود، بابر اعظم اور محمدرضوان پلیئنگ الیون کا حصہ ہوں گے۔سلمان علی آغا بھی پلیئنگ الیون کاحصہ ہوں گے اور پانچویں بولر کے طور پر استعمال ہوں گے جبکہ عامر جمال اور محمد عباس بھی پلیئنگ الیون کا حصہ ہوں گے۔لیفٹ آرم اسپیشلسٹ اسپنر علی عثمان کے ٹیسٹ ڈیبیو کا قوی امکان ہے ,خرم شہزاد اور محمد علی میں سے ایک فاسٹ بولر پلیئنگ الیون کا حصہ ہوگا۔

 قومی ٹیم مینجمنٹ نے بولرز کو اپنی بیٹنگ پر بھی توجہ دینے کی ہدایت کی ہے، جبکہ پلیئنگ الیون کو حتمی شکل دینے سے قبل کھلاڑیوں کی فِٹنس کا بھی جائزہ لیا جائے گا۔برائن لارا کرکٹ اکیڈمی ٹرینیڈاڈ میں گھاس والی پِچ تیار کی جا رہی ہے اور کیوریٹرز کی جانب سے پچ کو ہری گھاس کے بجائے بھوری گھاس سے ڈھانپا گیا ہے۔