بابر اعظم نے سٹیو سمتھ کا ورلڈ ٹیسٹ چیمپئن شپ ریکارڈ برابر کر دیا

پاکستان کے اسٹار بلے باز بابر اعظم نے اتوار کو سلہٹ انٹرنیشنل کرکٹ اسٹیڈیم میں بنگلہ دیش کے خلاف دوسرے اور آخری ٹیسٹ کے دوران آئی سی سی ورلڈ ٹیسٹ چیمپئن شپ (ڈبلیو ٹی سی) میں آسٹریلوی بلے باز اسٹیو اسمتھ کا ریکارڈ برابر کردیا۔

31 سالہ بابر اعظم جنہوں نے کیریئر میں اپنی 31 ویں ٹیسٹ نصف سنچری بنائی، وہ اسمتھ اور انگلینڈ کے زیک کرولی کے ساتھ ڈبلیو ٹی سی کی تاریخ میں مشترکہ تیسرے سب سے زیادہ نصف سنچری سکورر بن گئے۔دائیں ہاتھ کے بلے باز نے اپنے 39 ویں ٹیسٹ میں ڈبلیو ٹی سی میں اپنی 20 ویں ففٹی ریکارڈ کی اور ہمہ وقت کی فہرست میں مشترکہ تیسرے نمبر پر پہنچ گئے۔ انگلینڈ کے تجربہ کار بلے باز جو روٹ 22 نصف سنچریوں کے ساتھ دوسرے نمبر پر ہیں جبکہ آسٹریلیا کے مارنس لیبوشگن 24 نصف سنچریوں کے ساتھ چارٹ میں سرفہرست ہیں۔