rehber Logo

لاہور میں سٹی ٹریفک پولیس نے جدید پولیسنگ کے نئے دور کا آغاز کر دیا ہے، جس کے تحت افسران اور وارڈنز کے لیے ون ایپ متعارف کرائی گئی ہے۔

سی ٹی او لاہور ڈاکٹر اطہر وحید نے تمام سرکل افسران کو ون ایپ کے ساتھ آئی پیڈ فراہم کیے ہیں، جس سے وہ مختلف آپریشنز کو ایک ہی کلک پر انجام دے سکیں گے۔ ون ایپ جدید ٹیکنالوجی سے لیس ہے اور متعدد محکموں کے ڈیٹا سے منسلک ہے، جس کے ذریعے ٹریفک وارڈنز اب فوری کارروائیاں کر سکیں گے۔اس سسٹم کے تحت ٹریفک کی ہر خلاف ورزی باقاعدہ ریکارڈ کا حصہ بنے گی، جو ضرورت پڑنے پر ثبوت کے طور پر بھی پیش کی جا سکے گی۔ون ایپ کے استعمال سے ٹریفک آفیسر موقع پر ہی شناختی کارڈ، ڈرائیونگ لائسنس، چوری شدہ گاڑیوں، گاڑی کی ملکیت، فٹنس سرٹیفیکیٹ اور روٹ پرمٹ کی فوری تصدیق کر سکے گا۔علاوہ ازیں، تجاوزات اور ماحولیاتی خلاف ورزیوں کے خلاف کارروائیاں بھی فوراً ممکن ہو جائیں گی۔