پنجاب کے تمام تعلیمی بورڈز نے نہم اور دہم جماعت کے سالانہ امتحانات کی ڈیٹ شیٹ جاری کر دی
پنجاب کے تمام تعلیمی بورڈز نے میٹرک اور نہم جماعت کے سالانہ امتحانات کی ڈیٹ شیٹ جاری کر دی۔ میٹرک کے امتحانات کا آغاز 27 مارچ سے ہوگا، پہلا پرچہ عربی، کمرشل جغرافیہ اور تاریخ کا لیا جائے گا جبکہ میٹرک کا آخری پیپر 16 اپریل کو پنجابی اور تاریخِ اسلام کا ہوگا۔میٹرک کے عملی امتحانات 12 مئی سے 22 مئی تک منعقد کیے جائیں گے۔
نہم جماعت کے امتحانات 17 اپریل سے شروع ہوں گے، پہلا پرچہ اکنامکس، جغرافیہ، وڈ ورک اور بجلی کی وائرنگ کا لیا جائے گا جبکہ آخری پیپر 8 مئی کو اسلامیات لازمی کا ہوگا۔
تعلیمی بورڈز نے طلبہ کو ہدایت کی ہے کہ وہ امتحانی شیڈول کے مطابق اپنی تیاری مکمل کریں اور مقررہ تاریخوں پر بروقت امتحانی مراکز میں پہنچیں۔
