rehber Logo

وزیراعلیٰ پنجاب مریم نواز نے ای ٹیکسی اسکیم کا افتتاح کردیا۔لاہور میں خصوصی تقریب سے خطاب کرتے ہوئے مریم نواز نے کہا کہ ای ٹیکسی اسکیم روزگار کا باعزت منصوبہ ہے جس کے ذریعے ماہانہ ڈیڑھ سے 2 لاکھ روپے آمدن ہوگی۔

 پنجاب میں خواتین کو کسی سے خوفزدہ ہونے کی ضرورت نہیں ہے، ای ٹیکسی اسکیم خواتین کے روزگار کے حصول میں کلیدی کردار ادا کرے گی، پنجاب میں خواتین کو روزگار کے مواقع فراہم کیے جارہے ہیں۔ پنجاب کی ہر بیٹی محفوظ ہے، کسی نے نقصان پہنچانے کی کوشش کی تو اپنا انجام یاد رکھے۔  ای ٹیکسی اسکیم میں 4 ارب روپے کی سبسڈی دی ہے، خواتین ڈرائیوروں کے لیے 60 فیصد اور مرد ڈرائیوروں کے لیے 50 فیصد ڈاؤن پیمنٹ حکومتِ پنجاب ادا کرے گی۔ پہلے مرحلے میں ای ٹیکسی اسکیم میں 1100 ای وہیکل دی جائیں گی۔

پنجاب کی ہر تحصیل میں گرین بسوں کو پہنچائیں گے، پہلے ہم ہر ڈسٹرکٹ میں گئے، اب ہر تحصیل میں گرین بسز پہنچائیں گے، آج گرین اور الیکٹرک بسوں نے پنجاب کے ٹرانسپورٹ نظام میں انقلاب برپا کیا ہے۔