لاہور: درختوں کی کٹائی اور تراش خراش پر پابندی عائد
ضلع بھر میں درختوں کی کٹائی اور تراش خراش پر پابندی عائد کر دی گئی۔ ایم ڈی پی ایچ اے لاہور نے پابندی سے متعلق مراسلہ جاری کر دیا ہے۔ مراسلے میں کہا گیا ہے درختوں کی شاخوں کی معمولی کٹائی یا تراش خراش بھی پیشگی تحریری اجازت کے بغیر نہیں کی جا سکتی. بجلی کی تاروں کی کلیئرنس، حفاظتی اقدامات یا خوبصورتی کی بحالی کے لیے بھی اجازت درکار ہوگی. ماحولیاتی تحفظ اور شہری ہریالی کے فروغ کیلئے درختوں کا تحفظ ناگزیر ہے. کسی قسم کی خلاف ورزی پر متعلقہ قوانین کے تحت کارروائی عمل میں لائی جائے گی۔مراسلہ ہارٹیکلچر ایجنسی لاہور کے تمام ڈائریکٹرز، پراجیکٹ ڈائریکٹرز اور انچارج افسران کو بھیجا گیا ہے۔
