ایران سے اس ہفتے معاہدہ متوقع، دستخط یورپ میں ہونے کا امکان ہے، ٹرمپ

امریکی صدر کا کہنا ہے کہ ایران کے ساتھ معاہدے پر اس ہفتے دستخط متوقع ہیں، معاہدے کی دستاویزات آخری مرحلے میں ہے، دستخط کی تقریب یورپ میں ہونے کا امکان ہے، جے ڈی وینس شرکت کریں گے۔  امن معاہدے میں پاکستان بہترین کردار ادا کررہا ہے، وزیراعظم پاکستان اور فیلڈ مارشل عظیم شخصیت ہیں، معاہدے پر سب خوش ہیں، پورا مشرق وسطیٰ بھی اس پر خوش ہے۔ آبنائے ہرمز کی بحری ناکہ بندی ڈیل کو حتمی شکل دینے تک پوری قوت سے جاری رہے گی، ایران کے ساتھ بات چیت کو ایرانی قیادت کی اعلیٰ ترین سطح تک لایا گیا۔مذاکرات اور حتمی نکات تمام فریقوں کی طرف سے منظور کیے گئے ہیں، ان فریقین میں امریکا، اسرائیل، سعودی عرب، متحدہ عرب امارات، پاکستان، قطر، ترکیے اور دیگر شامل ہیں۔  قطر کے امیر شیخ تمیم بن حمد الثانی اور امریکی صدر ڈونلڈ ٹرمپ کے درمیان ٹیلیفونک رابطہ ہوا، جس میں ایران سے مشاورت میں پیشرفت پر بات چیت ہوئی۔