چینی بحران شروع؛ نئی سرکاری قیمت پر اختلاف، چینی سپلائی بند
چینی بحران نے دوبارہ سر اٹھا لیا، نئی سرکاری قیمت پر اختلاف پر سپلائی بند کردی گئی پنجاب میں چینی بحران پھر سر چڑھ کر بولنے لگا ہے جہاں چینی کی نئی سرکاری قیمت پر شوگر ملز، بروکرز، ہول سیل ڈیلرز اور کریانہ مرچنٹس میں شدید اختلافات کے باعث ڈیلرز نے چینی کی سپلائی بند کر دی ہے، اور چینی 200 روپے کلو فروخت ہونے لگی ہے۔
وفاقی حکومت کی طرف سے چینی کی ایکس شوگر ملز 165 روپے کلو قیمت اور پرچون 173 روپے کلو قیمت مقرر ہونے پر شوگر ڈیلرز، بروکرز، کریانہ مرچنٹس کے ملز سے اختلافات پیدا ہوگئے ہیں،ڈیلرز بروکرز کریانہ مرچنٹس کا کہنا ہے کہ شوگر ملز چینی 165 روپے سرکاری قیمت کے بجائے 176 روپے کلو چینی فراہم کرتی ہیں لہٰذا جب تک 165 روپے کلو چینی شوگر ملز نہیں دیں گی چینی کی ملز سے فروخت اور پنجاب میں سپلائی بند رہے گی۔
Leave A Comment