rehber Logo

انسداد دہشت گردی عدالت لاہور نے انٹرنیٹ کے ذریعے بم بنانے کا طریقہ سیکھنے والے ملزم حنان عبداللہ کو ڈھائی سال قید اور پچاس ہزار روپے جرمانے کی سزا سنا دی۔ عدالت نے یہ فیصلہ مقدمے کا ٹرائل مکمل ہونے کے بعد سنایا۔تحریری فیصلے کے مطابق مجرم حنان غیر ملکی انسٹاگرام اکاؤنٹ سے بم سازی سے متعلق معلومات حاصل کر رہا تھا۔اس حساس سرگرمی کا انکشاف امریکی تحقیقاتی ادارے ایف بی آئی نے کیا، جس نے حکومت پاکستان کو فوری طور پر مطلع کیا۔ حکومت کی ہدایت پر ایف آئی اے نے مقدمے کی مکمل چھان بین کی اور عدالت میں آٹھ گواہ پیش کیے۔عدالتی فیصلے میں کہا گیا ہے کہ حنان پر بم بنانے کا طریقہ سیکھنے کا الزام مکمل طور پر ثابت ہو گیا، تاہم پراسیکیوشن باقی الزامات کے ثبوت پیش نہ کر سکی۔