لاہور سمیت مختلف شہروں میں موسلا دھار بارش، بجلی غائب، نظام زندگی متاثر ، مریم نواز شریف کا شہر کا ہنگامی دورہ
لاہور سمیت ملک کے مختلف شہروں میں تیز اور ہلکی بارش کا سلسلہ جاری ہے جس سے کئی نشیبی علاقے زیر آب آگئے، متعدد علاقوں میں بجلی کی فراہمی متاثر ہونے سے نظام زندگی بھی مفوج ہو گئی ہے۔
محکمہ موسمیات کے مطابق بارشوں کا یہ سپیل 17 جولائی تک برقرار رہے گا، آج بھی ملک کے مختلف شہروں میں کہیں گرج چمک کے ساتھ تیز بارش کا امکان ہے اور کہیں پھوار پڑے گی۔
لاہور میں وقفے وقفے سے کہیں ہلکی تو کہیں تیز بارش برسنے کا سلسلہ جاری ہے جس کے باعث حبس کی شدت میں کمی آئی ہے، کم سے کم درجہ حرارت 27 جبکہ زیادہ سے زیادہ درجہ حرارت 33 ڈگری سینٹی گریڈ تک جانے کا امکان ہےلاہور کے علاقے گلبرگ، کلمہ چوک، ماڈل ٹاؤن، گڑھی شاہو، ایبٹ روڈ، لکشمی چوک، مال روڈ ، جیل روڈ اور فیروز روڈ، شمالی لاہور میں بارش سے ئی فیڈرز ٹرپ کر گئے اور بجلی کی فراہمی معطل ہو گئی۔
وزیراعلیٰ پنجاب کا شہر کا ہنگامی دورہ، صورتحال کا جائزہ لیا
وزیراعلیٰ پنجاب مریم نواز شریف نے بارش کے بعد کی صورتحال کا جائزہ لینے کیلئے شہر کا ہنگامی دورہ کیا اور انتظامیہ کو پانی کی نکاسی کو مزید بہتر بنانے کی ہدایت کی، انہوں نے صفائی کے انتظامات کا بھی جائزہ لیا ۔
