پنجاب میں غیرمعیاری فیول کے استعمال پر پابندی عائد،نوٹیفیکیشن جاری

محکمہ ماحولیات نےپنجاب میں غیرمعیاری فیول کے استعمال پر پابندی عائد کردی،ڈی جی ماحولیات عمران حامد شیخ نے نوٹیفیکشن بھی جاری کردیا ہے۔نوٹیفیکشن کےمطابق معیاری تیل نہ استعمال کرنے والی گاڑیوں کا داخلہ سڑکوں پر بند کردیا گیاہے،کوئی پیٹرول پمپ اوگرا کےمنظور شدہ اسٹینڈرڈ کے بغیر پیٹرول اور ڈیزل فروخت نہیں کرسکےگا،اس فیصلےکا اطلاق پنجاب بھرمیں فوری ہوگا۔سیکرٹری ماحولیات کاکہنا ہےکہ غیرمعیاری پیٹرول اورڈیزل فروخت کرنے والوں کیخلاف کارروائی بھی ہوگی،پنجاب بھر کےپیٹرول پمپس پرچیکنگ کا آغازکیاجائے گا،غیرمعیاری پیٹرول،ڈیزل فروخت کرنیوالوں کیخلاف ایکشن لیاجائیگا کیونکہ غیرمعیاری پیٹرول، ڈیزل کے استعمال سے ماحولیاتی آلودگی میں اضافہ ہوتا ہے۔