rehber Logo

پنجاب اسمبلی میں حکومتی اور اپوزیشن کمیٹی کا اسپیکر کی زیرِ صدارت اجلاس ختم ہو گیا، جس میں کسی بات پر اتفاقی نہیں ہو سکا۔اپویشن لیڈر پنجاب ملک احمد خان بھچر نے لاہور میں پنجاب اسمبلی کے باہر میڈیا سے گفتگو کرتے ہوئے کہا کہ ہماری میٹنگز جاری ہیں، ہمارا ابھی کسی نکتے پر اتفاق نہیں ہوا۔ جب تک اتفاق نہ ہو سیاسی میٹنگز جاری رہتی ہیں، کوئی ڈیڈ لاک نہیں ہے، بات چیت جاری رہے گی۔ آئندہ کچھ روز میں دوبارہ ملاقات ہو گی، ملاقاتوں میں جب کسی نکتے پر اتفاق ہو گا تو سب کو بتائیں گے۔

اس موقع پر وزیرِ پارلیمانی امور مجتبیٰ شجاع الرحمٰن نے کہا کہ ابھی چیزیں فائنلائز نہیں ہوئی ہیں، ہماری مزید ایک یا دو ملاقاتیں ہوں گی جس میں چیزیں فائنلائز ہوں گی۔ اپوزیشن کے ارکان اپنی پارلیمانی پارٹی سےمشاورت کریں گے، ہم بھی اپنی پارلیمانی پارٹی سے مشاورت کریں گے۔ ہم ان لوگوں کو ڈی سیٹ نہیں کرانا چاہتے، ہمارا مقصد ہے کہ اس ایوان کی عزت و تکریم کو بحال کرانا ہے۔  بزدار صاحب یہاں بات کرتے تھے تو ہم ان کی بات سنتے تھے، اپوزیشن ارکان کی نا اہلی کے حق میں نہیں۔