rehber Logo

ملک میں چینی کی قیمت بے قابو ہونے لگی، اسلام آباد، راولپنڈی، کراچی اور لاہور سمیت ملک کے مختلف شہروں میں چینی کی قیمت 200 روپے فی کلو تک پہنچ گئی جبکہ لاڑکانہ، سیالکوٹ، ملتان، بہاولپور، سکھر، پشاور، بنوں، کوئٹہ، سمیت دیگر شہروں میں چینی 185 روپے سے 200 روپے تک فروخت ہو رہی ہے۔ ملک میں موجود چینی مافیا نے حکومتی رٹ کو چیلنج کردیا، حکومت کی چینی درآمد کے فیصلے کے باوجود قیمت میں ریکارڈ اضافہ ہوگیا۔

ادارہ شماریات کی رپورٹ کے مطابق ملک کے مختلف شہروں میں چینی کی فی کلو قیمت ریکارڈ 200 روپے کی سطح پر پہنچ گئی، اسلام آباد اور راولپنڈی میں چینی 200 روپے فی کلو میں فروخت ہورہی ہے، جڑواں شہروں میں چینی کی فی کلو اوسطاً قیمت 196 روپے سے زائد ہے۔کراچی میں بھی چینی کی فی کلو قیمت نے ڈبل سینچری مکمل کرلی، کراچی میں فی کلو چینی کی زیادہ سے زیادہ قیمت 200 روپے ہے، کراچی میں چینی کی اوسطاً فی کلو قیمت 192 روپے 54 پیسے ہے۔ لاڑکانہ میں چینی کی فی کلو قیمت 195 روپے ہے، سیالکوٹ میں صارفین کے لیے چینی فی کلو 192 روپے میں دستیاب ہے، لاہور میں بھی فی کلو چینی 192 روپے میں دستیاب ہے۔