اداکارہ حمیرا اصغر کے اہل خانہ لاش وصول کرنے کراچی پہنچ گئے
کراچی کے علاقے ڈیفنس میں اپنے فلیٹ سے مردہ حالت میں ملنے والی اداکارہ حمیرا اصغر کے اہل خانہ لاش وصول کرنے کراچی پہنچ گئے۔اداکارہ حمیرا اصغر کے بھائی اور بہنوئی نے پولیس افسران سے ملاقات کی، بھائی اور بہنوئی نے ایس ایس پی ساؤتھ سمیت دیگر افسران سے ملاقات کی۔اداکارہ حمیر اصغر کی لاش وصول کرنے کے لیے تھانے سے باضابطہ لیٹر کچھ دیر بعد جاری کر دیا جائے گا۔ کراچی کے علاقے ڈیفنس کے فلیٹ سے ماڈل اداکارہ حمیرا اصغر کی لاش ملنے کے حوالے سے ایس ایس پی ساؤتھ محظور علی نے اپنے دفتر میں میڈیا سے گفتگو کرتے ہوئے کہا کہ حمیرا کے بھائی اور بہنوئی لاہور سے کراچی آئے ہیں، قانونی کارروائی کے بعد لاش ان کے حوالے کردی جائے گی، ورثا میت لاہور لے جانا چاہتے ہیں۔ایس ایس پی ساؤتھ نے بتایا کہ اکتوبر 2024 کے بعد سے خاتون کے رابطے منقطع تھے، ورثا نے ابھی کسی پر شک و شبہ کا اظہار نہیں کیا، حمیرا اصغر خود فیملی سے رابطہ کرتی تھیں، فیملی ان سے رابطے میں نہیں رہتی تھی۔انہوں نے مزید کہا کہ جس عمارت میں حمیرا اصغر کا فلیٹ تھا وہاں ہر فلور پر دو فلیٹس بنے ہیں، پڑوس میں مقیم افراد بھی فروری 2025 میں بیرون ملک سے واپس آئے، ممکنہ طور پر لاش سے اٹھنے والا تعفن سے کسی کو محسوس نہیں ہوا۔
Leave A Comment