rehber Logo

کراچی کلفٹن میں چائنہ پورٹ کے قریب سنسان علاقے سے ایک نوجوان مرد اور خاتون کی لاشیں برآمد ہوئی ہیں، جنہیں فائرنگ کر کے قتل کیا گیا۔ایس ایس پی ساؤتھ نے کلفٹن میں چائنہ پورٹ سے ایک نوجوان لڑکی اور لڑکے کہ لاش ویرانے سے برآمد ہوئی ہے، جنہیں گولیاں مار کر قتل کیا گا، مقتولین کی شناخت ساجد مسیح اور ثنا آصف کے ناموں سے ہوئی ہے، دونوں کا تعلق پنجاب کے شہر گوجرانوالہ کے ایک ہی گاؤں سے تھا۔

پولیس کا کہنا ہے کہ لاشوں کے قریب سے 9 ایم ایم پستول کے 2 خول ملے ہیں، جس سے شبہ ہے کہ دونوں کو موقع پر ہی قتل کیا گیا۔ لاشوں کی حالت سے اندازہ لگایا جا رہا ہے کہ یہ واردات چھ سے سات گھنٹے قبل پیش آئی۔ قتل کا مقام سڑک سے تقریباً ایک کلومیٹر اندر واقع ہے جہاں کار کے ذریعے پہنچنا ممکن نہیں۔ ابتدائی تحقیقات میں یہ بھی امکان ظاہر کیا جارہا ہے کہ مقتولین کو موٹر سائیکل یا پیدل وہاں لایا گیا، یا ممکنہ طور پر تعاقب کر کے ان کو نشانہ بنایا گیا۔ایس ایس پی ساؤتھ کے مطابق واقعے کی تمام پہلوؤں سے تحقیقات کی جارہی ہیں، بشمول ذاتی دشمنی، رشتے اور دیگر محرکات، مقتولین کے اہلخانہ سے بھی رابطہ کیا جارہا ہے تاکہ واقعے کے محرکات کو واضح کیا جاسکے۔پولیس نے جائے وقوعہ سے شواہد اکھٹے کر لیے ہیں جبکہ لاشوں کو پوسٹ مارٹم کے لیے اسپتال منتقل کر دیا گیا ہے۔