سٹاک مارکیٹ میں مندی، انڈیکس ایک لاکھ 33 ہزار پوائنٹس کی حد کھو بیٹھا

پاکستان سٹاک ایکسچینج گزشتہ کئی روز سے مسلسل تیزی کے بعد منفی زون میں چلی گئی۔کاروباری ہفتے کے تیسرے روز کاروبار کے دوران سٹاک مارکیٹ میں شدید منفی دیکھنے میں آئی ہے، جس کے بعد ہنڈرڈ انڈیکس ایک لاکھ 33 ہزار پوائنٹس کی حد کھو بیٹھا۔دوران ٹریڈنگ 900 سے زائد پوائنٹس کی کمی کے ساتھ پاکستان سٹاک ایکسچینج میں انڈیکس ایک لاکھ 32 ہزار 419 پوائنٹس کی سطح پر آگیا۔

واضح رہے کہ گزشتہ کاروباری روز کا اختتام مثبت زون میں ہوا جس کے باعث ہنڈرڈ انڈیکس 33 پوائنٹس اضافے کیساتھ ایک لاکھ 33 ہزار 403 پوائنٹس کی سطح پر بند ہوا تھا۔

دوسری جانب انٹربینک میں امریکی کرنسی کی قدر میں 6 پیسے کمی ہوئی، ڈالر 284.36 روپے سے کم ہو کر 284.30 روپے پر آگیا۔