تازہ ترین

کراچی کے علاقے لیاری میں رہائشی عمارت گرنے کے دلخراش واقعے پر صوبائی وزرا نے گہرے دکھ کا اظہار کرتے ہوئے متاثرین کے ساتھ یکجہتی اور ذمہ داروں کے خلاف سخت کارروائی کا اعلان کیا ہے۔وزیر اطلاعات سندھ شرجیل انعام میمن نے واقعے کو افسوسناک قرار دیتے ہوئے کہا کہ لیاری کے متاثرین کے غم میں برابر کے شریک ہیں، واقعے میں 27 قیمتی جانوں کا ضیاع ہوا۔ وزیراعلیٰ سندھ مراد علی شاہ غیر قانونی تعمیرات پر سخت برہم ہیں، اور انہوں نے ملوث افراد کے خلاف ایف آئی آر درج کرانے کا حکم دے دیا ہے۔

صوبائی وزیر سعید غنی نے جاں بحق افراد کے لواحقین کے لیے فی کس 10 لاکھ روپے امداد کا اعلان کرتے ہوئے کہا کہ متاثرین کی مکمل داد رسی کی جائے گی۔انہوں نے مزید کہا کہ کمشنر کراچی کی سربراہی میں انکوائری کمیٹی قائم کر دی گئی ہے۔کمیٹی آئندہ 24 گھنٹوں میں خستہ حال 51 عمارتوں کی تفصیلات فراہم کرے گی۔فیکٹ فائنڈنگ رپورٹ دو دن میں مکمل کی جائے گی۔ ذمہ داروں کے خلاف سخت کارروائی کا فیصلہ کر لیا گیا ہے اور ملوث افسران اور بلڈنگ کنٹرول آفیسرز کو شاملِ تفتیش کیا جائے گا۔

 

Leave A Comment

Advertisement