پی سی بی نے بابر اعظم سمیت کئی کرکٹرز کو این او سی دے د یا
پاکستان کرکٹ بورڈ (پی سی بی) نے سابق کپتان بابر اعظم سمیت کئی قومی کرکٹرز کو این او سی دے دیا۔پی سی بی اعلامیے کے مطابق بابر اعظم کو بگ بیش لیگ کےلیے 14 دسمبر تا 28 جنوری کےلیے این او سی جاری کیا گیا ہے۔اعلامیے کے مطابق فاسٹ بولر شاہین آفریدی اور محمد رضوان کو بھی اسی دورانیے کےلیے این او سی جاری ہوا ہے۔
پی سی بی اعلامیے کے مطابق فاسٹ بولر محمد عامر کو ایسیکس کاؤنٹی کے لیے 18 جولائی تک، شان مسعود کو لیسٹر شائر کےلیے یکم ستمبر تک، حسن علی کو واروکشائر کاؤنٹی کےلیے 30 ستمبر تک کا این او سی جاری کیا گیا ہے۔کاشف علی کو کینٹ کاؤنٹی کرکٹ کلب کےلیے، محمد عباس کو 2 جولائی، خرم شہزاد کو 27 ستمبر تک کے لیے این او سی ملا ہے۔محمد نواز کو گیانا سپر لیگ، سی پی ایل، خواجہ نافع کو گلوبل سپر لیگ، محمد حسان خان کو سی پی ایل جبکہ حارث رؤف کو میجر لیگ کرکٹ کےلیے این او سی دیا گیا۔
Leave A Comment