بلاوائیو ٹیسٹ کا پہلا دن: زمبابوے نیوزی لینڈ کیخلاف 149 رنز بناکر آؤٹ

بلاوائیو ٹیسٹ کے پہلے دن زمبابوے کی ٹیم نیوزی لینڈ کے خلاف پہلی اننگز میں 149 رنز بنا کر آؤٹ ہو گئی۔زمبابوے کی ٹیم کیوی بولرز کے سامنے بے بس نظر آئی اور صرف 149 رنز بناکر آ ؤٹ ہو گئی۔ کپتان کریگ ارون 39 رنز بنا کر نمایاں رہے، تافاڈزا نے 30 رنز بنائے۔نیوزی لینڈ کی جانب سے میٹ ہینری نے 6 اور نیتھن اسمتھ نے 3 کھلاڑیوں کو آؤٹ کیا۔دن کے اختتام تک کیوی ٹیم نے بغیر کسی نقصان کے 92 رنز بنا لیے۔ ڈیون کونوے 51 اور ول ینگ 41 رنز بنا کر کریز پر موجود ہیں۔