پانچواں ٹی ٹوئنٹی: پاکستان کا نیوزی لینڈ کو جیت کیلئے 129 رنز کا ہدف

پانچویں ٹی ٹوئنٹی میچ میں پاکستان نے نیوزی لینڈ کو جیت کے لیے 129 رنز کا ہدف دیا ہے۔ویلنگٹن میں نیوزی لینڈ نے پاکستان کے خلاف ٹاس جیت کر پہلے فیلڈنگ کرنے کا فیصلہ کیا۔آج پھر پاکستانی اوپنرز ناکام ہوگئے جس کے بعد دیگر بیٹرز بھی کچھ خاص نہ کرسکے اور 10.2 اوورز میں 52 رنز پر آدھی ٹیم پویلین لوٹ گئی۔بعدازاں سلمان آغا اور نیچے نمبر پر آنے والے شاداب خان کی اچھی بیٹنگ کی بدولت پاکستان ٹیم نے مقررہ 20 اوورز میں 9 وکٹ پر 128 رنز بنائے۔سب سے زیادہ 51 رنز کپتان سلمان آغا نے بنائے جبکہ شاداب خان 28 رنز بنا کر آؤٹ ہوئے۔ قومی ٹیم کی جانب سے ڈبل فیگر میں داخل ہونے والے تیسرے بیٹر محمد حارث تھے جو 11 رنز بنا کر آؤٹ ہوئے۔اس کے علاوہ پاکستان کے 8 بیٹرز ڈبل فیگر میں داخل نہ ہوسکے۔ نیوزی لینڈ کی جانب سے جمی نیشم نے 22 رنز دے کر 5 وکٹیں لیں۔

دونوں ٹیمیں سیریز کے آخری میچ میں ویلنگٹن میں مدمقابل ہیں، نیوزی لینڈ کو سیریز میں 1-3 کی برتری حاصل ہے۔