انگلینڈ اور بھارت کے درمیان چوتھا ٹیسٹ آج سے مانچسٹر میں شروع ہوگا

انگلینڈ اور بھارت کے درمیان چوتھا ٹیسٹ آج سے مانچسٹر میں شروع ہورہا ہے۔سیریز گنوانے کی تلوار بھارت کے سرپر لٹکنے لگی، فتح کی صورت میں میزبان ٹیم کو 5 میچز کی سیریز میں ایک میچ قبل ہی فیصلہ کن برتری حاصل ہوجائے گی۔انگلش الیون میں 8 برس بعد لیام ڈاسن کی واپسی ہورہی ہے، دوسری جانب بھارتی سائیڈ کو سیریز میں شامل رہنے کیلیے لازمی فتح درکار ہوگی۔پانچ میچز پر مشتمل سیریز کے پہلے ٹیسٹ میں انگلینڈ نے بھارت کو 5 وکٹوں سے شکست دی تھی، دوسرا ٹیسٹ بھارت 336 رنز کے بھاری مارجن سے جیتا تھا۔ سیریز کے تیسرے ٹیسٹ میں دلچسپ مقابلے کے بعد بھارت کو 22 رنز سے شکست ہوئی تھی۔