قومی کرکٹ ٹیم ٹی 20 سیریز کیلیے آج رات بنگلہ دیش روانہ ہوگی
قومی کرکٹ ٹیم ٹی 20 میچ کی سیریز کیلیے آج رات بنگلادیش کیلیے روانہ ہوگی۔سلمان علی آغا کی قیادت میں 15 رکنی پاکستان کرکٹ ٹیم آج شب دورہ بنگلہ دیش کیلیے روانہ ہوگی۔دورۂ بنگلہ دیش میں قومی ٹیم تین ٹی ٹوئنٹی انٹرنیشنل کھیلے گی۔
پاکستان اسکواڈ میں سلمان علی آغا ( کپتان)،ابرار احمد، احمد دانیال، فہیم اشرف، فخر زمان، حسن نواز،حسین طلعت، خوشدل شاہ، محمد عباس آفریدی، محمد حارث (وکٹ کیپر)، محمد نواز ،صاحبزادہ فرحان (وکٹ کیپر)، صائم ایوب، سلمان مرزا اور سفیان مقیم شامل ہیں، ہیڈ کوچ مائیک ہیسن ہیڈ کوچ،شین میکر موٹ فیلڈنگ اورگرانٹ لوڈین اسٹرینتھ اینڈ کنڈیشنگ کوچ اور۔ سید چیمہ منیجر کی زمہ داری ادا کریں گے۔
دورہ بنگلہ دیش میں تین ٹی ٹوئنٹی انٹرنیشنل میچز 20، 22 اور 24 جولائی کو کھیلے جائیں گے، جس کے بعد پاکستانی ٹیم ویسٹ انڈیز سے 3 میچز پر مشتمل ٹی 20 اور دن ڈے سیریز کھیلنے کیلیے امریکا پہنچے گی۔فلوریڈا میں یکم تا 4 اگست دونوں ٹیمیں کے درمیان میچز کھیلے جائیں گے جبکہ دونوں ممالک کے درمیان ون ڈے سیریز 8 سے 12 اگست تک ٹرینیڈاڈ اینڈ ٹوباگو میں شیڈول ہے۔
دریں اثنادورہ بنگلہ دیش اور ویسٹ انڈیز کے لیے پاکستان کرکٹ اسکواڈ کا تربیتی کیمپ پیر کی شب ختم ہوگیا، نیشنل بنک اسٹیڈیم میں منعقدہ 6 روزہ کیمپ میں کھلاڑیوں نے بھرپور ٹریننگ کی۔کیمپ میں دورہ بنگلا دیشں کے لیے 15 رکنی اسکواڈ کے ساتھ 5 وائٹ بال کھلاڑی بابر اعظم، محمد رضوان، محمد وسیم جونیئر، نسیم شاہ اورشاہین شاہ آفریدی بھی شریک ہوئے۔کیمپ کے آخری دن فلڈ لائٹ پریکٹس میچ کھیلا گیا،کوچنگ اسٹاف نے سلمان علی آغا اور صائم الیون کے درمیان کھیلے جانے والے پریکٹس میچ میں کھلاڑیوں کی کارکردگی کا بغور جائزہ لیا۔
Leave A Comment