گوگل ڈوڈل میں کرکٹ کا تڑکا: ویمنز ون ڈے ورلڈ کپ کی شروعات پر خاص لوگو
<p style="text-align: justify;">گوگل نے 2025 کے آئی سی سی ون ڈے ویمنز کرکٹ ورلڈ کپ کے آغاز پر آج اپنا ڈوڈل عالمی سطح پر تبدیل کیا ہے۔</p> <p style="text-align: justify;">اس ڈوڈل کو Women’s Cricket World Cup 2025 Begins کا عنوان دیا گیا ہے اور اسے گوگل کے مرکزی سرچ پیج پر نمایاں طور پر دکھایا جا رہا ہے، جو ٹیکنالوجی اور کھیل کے امتزاج کی مثال بن گیا ہے۔ یہ ڈوڈل ایک بصری پیغام ہے جو صرف ایک تصویر یا لوگو سے بڑھ کر ہے۔ یہ کرکٹ کا جنون، خواتین کی شاندار کارکردگی اور دنیا بھر میں اس ٹورنامنٹ کی اہمیت کو اجاگر کرتا ہے۔ گوگل کا کہنا ہے کہ یہ ورلڈ کپ ورژن 13 واں ہے جو 1973 سے منعقد ہورہا ہے، یعنی مردوں کے مقابلے دو سال پہلے شروع ہوا۔</p> <p style="text-align: justify;"><br /><strong>ڈوڈل کی خصوصیات اور مقصد</strong></p> <p style="text-align: justify;">اس ڈوڈل میں گوگل نے حرف “G” کے آئیکون کے ساتھ کرکٹ بیٹ کو ترتیب دیا ہے، جو اس ایونٹ کے آغاز کو علامتی انداز میں پیش کرتا ہے۔ گوگل کے ڈوڈل پلیٹ فارم کی وضاحت کے مطابق یہ لوگو دنیا بھر میں مختلف ممالک میں ایسے مواقع کو منانے کےلیے استعمال ہوتا ہے جن میں کھیل، ثقافت، سائنس اور اہم یادیں شامل ہوں۔ ڈوڈل کا انتخاب اس لیے اہم ہے کہ گوگل کے ہوم پیج پر لاکھوں صارفین روزانہ آتے ہیں، اور اس طرح یہ بذاتِ خود ایک عالمی اسٹیج بن جاتا ہے جہاں ایک گرافک کے ذریعے کھیل کی اہمیت، شائقین کی پسند اور خواتین کرکٹ کی ترقی کو اجاگر کیا جاسکتا ہے۔</p>
Leave A Comment