rehber Logo

کراچی کے علاقے لیاقت آباد میں نانا کے ساتھ موٹرسائیکل پر جاتے ہوئے گلے پر ڈور پھرنے سے بچی جاں بحق ہوگئی۔متوفی بچی کے نانا نذیر کا کہنا ہے کہ پتنگ کی ڈور پہلے ان کے ہاتھ پر لگی پھر بچی کے گلے پر پھر گئی۔انہوں نے کہا ہے کہ بچی کو اسپتال لے جا رہے تھے کہ وہ ایمبولینس میں ہی دم توڑ گئی۔ ہم کسی کے خلاف کوئی قانونی کارروائی نہیں چاہتے لیکن پتنگ اڑانے والوں سے گزارش ہے کہ یہ جان لیوا کھیل نہ کھیلیں۔ آج ہماری بچی گئی ہے کل کسی اور کے ساتھ یہ واقعہ ہو سکتا ہے۔