لاہور: باپ کیساتھ ملکر سگی ماں کو قتل کرنے میں ملوث بیٹا گرفتار
کاہنہ میں پولیس نے باپ کیساتھ ملکر سگی ماں کو قتل کرنے میں ملوث بیٹے کو گرفتار کرلیا۔پولیس کے مطابق مقتولہ عذرا بی بی نے اپنے سابق شوہر کے خلاف بچوں کے نان و نفقے کا دعویٰ دائر کر رکھا تھا۔ مقدمہ واپس نہ لینے پر سابق شوہر نے مبینہ طور پر اپنے بیٹے اور دیگر ساتھیوں کے ہمراہ خاتون کو قتل کردیا۔ملزمان نے خاتون کو گھر میں فائرنگ اور تشدد کا نشانہ بنایا۔ واقعے کا مقدمہ درج کرکے ملزم عرفان کو گرفتار کرلیا گیا ہے جبکہ دیگر ملزمان کی گرفتاری کے لیے کوششیں جاری ہیں۔
