rehber Logo

لاہور کے علاقے فیصل ٹاؤن میں خاتون کو ہراساں کرنے اور موبائل فون چھین کر فرار ہونے والے ملزم کو پولیس نے گرفتار کر لیا۔خاتون فیصل ٹاؤن مین بلیوارڈ پر سواری کے انتظار میں موجود تھی کہ اس دوران ملزم نے خاتون کے ساتھ نازیبا حرکات کیں اور اس کا موبائل فون چھین کر فرار ہو گیا۔واقعے کا نوٹس لیتے ہوئے فیصل ٹاؤن پولیس نے سی سی ٹی وی فوٹیج کی مدد سے ملزم کو ٹریس کیا اور ٹاؤن شپ کے علاقے سے گرفتار کر لیا۔پولیس نے گرفتار ملزم کی شناخت عدنان کے نام سے کی ہے۔ ملزم کے خلاف مقدمہ درج کرکے مزید تفتیش شروع کر دی گئی ہے۔