rehber Logo

کراچی میں مبینہ ڈکیتی کے دوران فائرنگ سے حیدر آباد کا رہائشی اور 4 بچوں کا باپ جاں بحق ہوگیا۔پولیس حکام کے مطابق مقتول کی حیدرآباد میں اسکول یونیفارم کی 2 دکانیں ہیں جن کی خرید و فروخت کے سلسلے میں وہ ہر ہفتے کراچی آتا تھا۔ مقتول کی شناخت فرقان کے نام سے ہوئی، اس کی عمر 28 برس تھی۔مقتول کا موبائل فون اور والٹ بھی غائب ہے، تاہم واقعے کی تحقیقات جاری ہیں۔

مقتول کے دوست کے مطابق فرقان کار سے اتر کر ایک کیبن سے خریداری کر رہا تھا کہ اس دوران نامعلوم ملزمان نے مبینہ طور پر لوٹ مار کی کوشش کی، مزاحمت پر ملزمان نے اسے گولی مار دی اور فرار ہوگئے۔ 

مقتول کے بہنوئی کے مطابق فرقان حیدرآباد کے علاقے لطیف آباد نمبر 8 کا رہائشی تھا , مقتول شادی شدہ اور 4 بچوں کا باپ تھا۔