rehber Logo

ایشین ٹیم اسکواش چیمپئن شپ میں شاندارکارکردگی کا مظاہرہ کرنے والی پاکستانی ٹیم کے کھلاڑیوں کو 10، 10 لاکھ روپے کے نقد انعامات دیے گئے۔

وزیر برائے بین الصوبائی رابطہ اور صدر پاکستان اسپورٹس بورڈ (پی ایس بی) رانا ثناء اللّٰہ خان نے بدھ 23ویں ایشین ٹیم اسکواش چیمپئن شپ 2026 میں تاریخی کامیابی حاصل کرنے والی پاکستان کی گولڈ میڈل یافتہ مردوں کی اسکوائش ٹیم کے چاروں کھلاڑیوں نور زمان، محمد عاصم خان، ناصر اقبال اور اشہب عرفان کو 10، 10 لاکھ روپے دیے۔ اس موقع پر رانا ثناء اللّٰہ نے قومی ٹیم کے کھلاڑیوں، کوچز اور مینجمنٹ کو مبارکباد دیتے ہوئے ان کی اس کامیابی کو عظیم قومی فخر کا باعث قرار دیا۔انہوں نے کھلاڑیوں کی لگن، نظم و ضبط اور عزم کو سراہا جس کی بدولت پاکستان نے اپنی سر زمین پر یہ معتبر ایشیائی ٹائٹل اپنے نام کیا۔نمایاں کارکردگی دکھانے والے کھلاڑیوں کی حکومتی سطح پر پذیرائی اور حوصلہ افزائی کھیلوں کے فروغ اور قومی صلاحیتوں کی سرپرستی کے عزم کی عکاسی کرتی ہے۔