لاہور : اے آئی سے زہر بنانے کا طریقہ پوچھنے والا طالب علم گرفتار، گھر میں قائم ’’لیبارٹری‘‘ بھی پکڑی گئی
نیشنل سائبر کرائم انویسٹی گیشن ایجنسی (این سی سی آئی اے) نے مصنوعی ذہانت (اے آئی) سے زہر بنانے کا طریقہ پوچھنے والے نوجوان کو گرفتار کرلیا۔ این سی سی آئی اے پنجاب نے بہاولپور میں کارروائی کرتے ہوئے باپ کو زہر دینے والے طالب علم کو پکڑ لیا، کرائم ڈراما سے متاثرہ نوجوان کی گھر میں قائم لیبارٹری بے نقاب ہوگئی۔ملزم نے آسٹریلیا اور اسلام آباد سے کیمیائی مواد منگوا کر زہر تیار کیا، والد کو پہلی بار زہر دینے کی ناکام کوشش پر اے آئی سے دوبارہ رہنمائی مانگی گئی۔بیرون ملک سے ملنے والی انٹیلی جنس اطلاع پر ڈائریکٹر این سی سی آئی اے نے کارروائی کرکے ملزم کو گرفتار کرلیا۔
