rehber Logo

ساہیوال میں ایف آئی اے نے کارروائی کرتے ہوئے حراستی تشدد و ہلاکت کیس میں ملوث 5 پولیس اہلکار گرفتار کر لیے گئے۔ ساہیوال میں ایف آئی اے ساہیوال سرکل نے حراستی تشدد اور ہلاکت کے کیس میں اہم کارروائی کرتے ہوئے پنجاب پولیس اوکاڑہ کے پانچ نامزد اہلکاروں کو گرفتار کر لیا۔کارروائی ایف آئی اے ساہیوال سرکل نے ایف آئی آر نمبر 07/2026 کے تحت کارروائی کرتے ہوئے نذر عباس ایس آئی، عظمت علی ایس ایچ او/ایس آئی، رائے منظور ایس آئی، سیف اللہ محرر اور عرفان علی اے ایس آئی کو گرفتار کیا۔اِسی طرح  مقدمہ تعزیرات پاکستان کی دفعات 302، 34، 109 اور 201 جبکہ ٹارچر اینڈ کسٹوڈیل ڈیتھ (پریوینشن اینڈ پنشمنٹ) ایکٹ 2022 کی دفعہ 9 کے تحت درج کیا گیا ہے۔

ایف آئی اے کی تفصیلی انکوائری کے دوران زیرِ حراست شخص پر مبینہ تشدد، دورانِ حراست ہلاکت اور شواہد کو مبینہ طور پر چھپانے یا ضائع کرنے سے متعلق اہم شواہد سامنے آئے جن کی بنیاد پر نامزد ملزمان کے خلاف قانونی کارروائی عمل میں لائی گئی۔ ایف آئی اے کے مطابق گرفتار ملزمان ایف آئی اے کی تحویل میں ہیں ۔