rehber Logo

فیض آباد میں پانچ سالہ بچی پر مبینہ تشدد کے واقعے کا  ڈی پی او نے نوٹس لیتے ہوئے ملزم کو گرفتار کرنے کا حکم دے دیا۔ پولیس کے مطابق ملزم اعجاز نے گھریلو جھگڑے کے دوران اپنی پانچ سالہ بیٹی کو تشدد کا نشانہ بنایا، جبکہ اس کی بیوی حلیمہ بی بی بھی چھری کے وار سے معمولی زخمی ہو گئی، جسے فوری طبی امداد فراہم کر دی گئی۔ پولیس نے بروقت کارروائی کرتے ہوئے ملزم اعجاز کو گرفتار کر لیا اور واقعے کا مقدمہ درج کرکے مزید قانونی کارروائی شروع کر دی ہے۔ پولیس حکام کا کہنا ہے کہ بچوں اور خواتین پر تشدد کسی صورت برداشت نہیں کیا جائے گا اور قانون کے مطابق ملزم کے خلاف سخت کارروائی عمل میں لائی جائے گی۔