rehber Logo

 ریس کورس پولیس نے 10 سالہ طالب علم پر مبینہ تشدد اور اس کا بازو توڑنے کے الزام میں استاد سمیت دو ملزمان کو گرفتار کر لیا۔پولیس کے مطابق گرفتار ملزمان میں ٹیچر طلحہ اور نجی اکیڈمی کا مالک محمد عثمان شامل ہیں، جن کے خلاف مقدمہ درج کر لیا گیا ہے۔ پانچویں جماعت کا طالب علم محمد وصام گزشتہ شام 6 بجے نجی اکیڈمی میں ٹیوشن پڑھنے گیا تھا، جہاں مبینہ طور پر ٹیچر طلحہ نے لکڑی کی چھڑی سے اسے تشدد کا نشانہ بنایا۔تشدد کے نتیجے میں 10 سالہ طالب علم کا بازو ٹوٹ گیا۔ واقعے پر پولیس نے کارروائی کرتے ہوئے استاد اور اکیڈمی مالک کو گرفتار کر لیا۔پولیس کے مطابق واقعے سے متعلق مزید قانونی کارروائی جاری ہے۔