rehber Logo

ہسپتال کا جعلی ملازم بن کر خواتین مریضوں سے مبینہ ناروا سلوک کرنے والے نوجوان کے خلاف تھانہ اے ڈویژن پولیس نے مقدمہ درج کر لیا۔ ایف آئی آر کے مطابق صابری کالونی اوکاڑہ کا رہائشی فرید نوازش عرف بلا ہسپتال میں سٹوڈنٹس ٹریننگ کے لیے آتا تھا، تاہم خواتین مریضوں سے مبینہ ناروا سلوک کی شکایات پر اسے ہسپتال سے نکال دیا گیا اور میڈیکل سپرنٹنڈنٹ نے اس کے ہسپتال میں داخلے پر پابندی عائد کر دی تھی۔وقوعہ کے روز ملزم مبینہ طور پر ہسپتال پہنچا اور خود کو ملازم ظاہر کرتے ہوئے خواتین مریضوں سے ناروا سلوک کرنے لگا۔ مریضوں اور ان کے لواحقین کی شکایات پر ہسپتال کے ایچ آر اور لیگل آفیسر نے پولیس کو اطلاع دی، جس پر تھانہ اے ڈویژن پولیس نے ملزم کے خلاف مقدمہ درج کر لیا۔ پولیس نے ملزم کی گرفتاری کے لیے چھاپہ مار کارروائیاں شروع کر دی ہیں۔