rehber Logo

لاہور کے علاقے کاہنہ میں بیوی پر تیزاب پھینکنے کے الزام میں پولیس نے شوہر کو بیٹی سمیت گرفتار کر لیا۔ ملزمان کو فیصل آباد سے حراست میں لیا گیا۔ملزم انصاف علی اور اس کی بیٹی نے مبینہ طور پر خاتون پر تیزاب پھینکا اور موقع سے فرار ہوگئے تھے۔ واقعہ روہی نالہ کے قریب پیش آیا جہاں فیکٹری سے چھٹی کے بعد گھر جاتے ہوئے ماں اور بیٹے کو نشانہ بنایا گیا۔تیزاب گردی کے نتیجے میں خاتون کی گردن، کمر اور دونوں ٹانگیں جبکہ بچے کا دایاں بازو متاثر ہوا۔ متاثرہ ماں اور بیٹے کا جنرل ہسپتال میں علاج جاری ہے۔

پولیس نے متاثرہ خاتون کی درخواست پر مقدمہ نمبر 9358/26 درج کرکے کارروائی کی اور ملزم انصاف علی کو شریک ملزمہ بیٹی سمیت فیصل آباد سے گرفتار کر لیا۔ گرفتار ملزم سے تفتیش جاری ہے جبکہ اس کی بیٹی بھی زیر حراست ہے۔