rehber Logo

تھانہ چوچک اور تھانہ سٹی دیپالپور پولیس نے مختلف کارروائیوں کے دوران بائیک لفٹر گینگ کے دو ملزمان سمیت واردات کی جھوٹی اطلاع دینے والے شخص کو گرفتار کر لیا۔ 

ایس ایچ او سٹی دیپالپور کی سربراہی میں پولیس نے آصف اور عبدالرحمان کو گرفتار کرکے ان کے قبضہ سے 15 لاکھ روپے مالیت کی 9 مسروقہ موٹر سائیکلیں اور ناجائز اسلحہ برآمد کرلیا۔ملزمان نے دوران تفتیش متعدد موٹر سائیکل چوری کی وارداتوں کا انکشاف کیا ہے، مزید تفتیش جاری ہے۔

دوسری کارروائی میں ایس ایچ او چوچک کی سربراہی میں پولیس نے 15 پر واردات کی جھوٹی اطلاع دینے والے وسیم کو گرفتار کرلیا۔ پولیس کے موقع پر پہنچنے کے بعد تحقیقات میں واردات کا کوئی ثبوت نہ ملنے پر ملزم کے خلاف مقدمہ درج کرکے قانونی کارروائی شروع کردی گئی۔