بلوچستان، سیکیورٹی فورسز کے آپریشن میں 7 دہشتگرد ہلاک
بلوچستان میں خاران کے علاقے لجے میں سیکیورٹی فورسز نے انٹیلیجنس بیسڈ آپریشن کر کے 7 دہشت گردوں کو ہلاک کر دیا۔کارروائی کے دوران فتنہ الخوارج کے 7 دہشت گرد ہلاک اور متعدد زخمی ہوئے، دہشت گردوں کے ٹھکانوں سے جدید اسلحہ، گولہ بارود اور دیگر جنگی سامان برآمد ہوا ہے۔دہشت گردوں کے ٹھکانوں سے ایک موٹرسائیکل اور 2 گاڑیاں بھی ملی ہیں۔سیکیورٹی فورسز نے دہشت گردوں کے ٹھکانوں کو مکمل تباہ کر دیا ہے، دہشت گرد بھتہ خوری، اغواء، ٹارگٹ کلنگ، خودکش حملوں کی منصوبہ بندی میں ملوث تھے۔
