لاہور: فیصل آباد اور ملتان سے 4 آن لائن بلیک میلرز گرفتار،قابلِ اعتراض مواد برآمد
این سی سی آئی اے کی کارروائیاں، لاہور، فیصل آباد اور ملتان سے آن لائن ہراساں کرنے والے 4 ملزمان گرفتار کر لئے گئے۔
خواتین کو مسلسل ہراساں کرنے اور دھمکیاں دینے کے الزام میں لاہور سے ملزم ہارون قریشی کو گرفتار کیا گیا۔
فیصل آباد سے میاں بیوی کو قابلِ اعتراض مواد سے بلیک میل کر کے رقم وصول کرنے والے ملزمان عبدالرحمان اور محمد ایاز گرفتارکئے گئے۔ کارروائی کے دوران 2 موبائل فونز، واٹس ایپ نمبرز اور متعدد خواتین کا قابلِ اعتراض مواد برآمد کیا گیا۔
ملتان میں خاتون کی تصاویر اور ویڈیوز سوشل میڈیا پر شیئر کرنے اور بلیک میلنگ میں ملوث ملزم فرہاد عباس کو گرفتار کیا گیا۔
تمام کارروائیوں میں برآمد ڈیجیٹل شواہد کی فرانزک جانچ جاری ہے، آن لائن ہراسمنٹ یا بلیک میلنگ کی صورت میں شہری خصوصاً خواتین فوری طور پر این سی سی آئی اے سے رابطہ کریں۔
