rehber Logo

وفاقی وزیر پیٹرولیم علی پرویز ملک نے کہا ہے کہ روزانہ کی بنیادوں پر پیٹرولیم مصنوعات کی قیمتوں کے تعین  سے نظام میں شفافیت اور مسابقت آئے گی جبکہ ناجائز منافع خوری اور ذخیرہ اندوزی  ختم ہو گی۔ روزانہ کی بنیادوں پر پیٹرولیم مصنوعات کی قیمتوں کے تعین  کے  حکومتی اقدام  کا بنیادی مقصد سارے نظام میں شفافیت لانا ہے۔پیٹرولیم مصنوعات کی قیمتیں  آئندہ روزانہ مقرر ہوں گی۔ وفاقی وزیر نے واضح کیا کہ ہوتا یہ تھا کہ ہفتے کے بعد قیمت میں تبدلی اکٹھی آجاتی تھی اس وجہ سےعوام کو پیٹرول دینا بند کر دیا جاتا تھا اور  ناجائز منافع خوری ہوتی تھی۔ پیٹرولیم مصنوعات کی قیمتوں کے  حکومتی نظام سے قیمت میں کمی یا بیشی فوری طور  پر عوام کو منتقل ہو جائے گی۔ ان کا کہنا تھا کہ مختلف میٹنگز  کے دوران سب نے اس نظام کا خیر مقدم کیا۔