عالمی گولڈ مارکیٹ :سونے اور چاندی کی قیمت میں اضافہ

عالمی منڈی میں جمعرات کے روز سونے کی قیمتوں میں 1 فیصد سے زیادہ اضافہ دیکھا گیا، جس کے بعد گزشتہ سیشن میں ہونے والے نقصان کی جزوی تلافی ہو گئی، امریکی فیڈرل ریزرو کے سخت مالیاتی پالیسی کے اشاروں کے باوجود سونے کی طلب میں بہتری دیکھی گئی۔

اسپاٹ گولڈ 1.3 فیصد بڑھ کر 4,311.83 ڈالر فی اونس پر پہنچ گیا (0441 GMT تک) جبکہ بدھ کے روز یہ 1.7 فیصد گر گیا تھا، امریکی فیڈ کی جانب سے ممکنہ طور پر آئندہ سال شرحِ سود میں اضافے کے اشاروں کے بعد سرمایہ کاروں میں محتاط رویہ دیکھا جا رہا ہے۔امریکی گولڈ فیوچرز (اگست ڈیلیوری) 1.1 فیصد کمی کے ساتھ 4,332.50 ڈالر پر آ گئے۔

مارکیٹ ماہر کے مطابق سونے کی قیمت میں حالیہ اضافہ بنیادی طور پر شارٹ پوزیشنز کے بند ہونے اور مشرق وسطیٰ سے مثبت پیش رفت کی وجہ سے ہوا ہے، جس کے نتیجے میں تیل کی قیمتوں میں کمی آئی۔امریکہ اور ایران کے درمیان عارضی معاہدے کے بعد تیل کی قیمتوں میں کمی دیکھی گئی ہے، جس نے افراطِ زر کے خدشات کو کم کیا ہے۔ معاہدے کے تحت جنگ بندی میں مزید 60 دن کی توسیع کی گئی ہے تاکہ حتمی معاہدے پر بات چیت جاری رہ سکے۔

بلند تیل کی قیمتیں عام طور پر مہنگائی اور شرحِ سود میں اضافے کے امکانات کو بڑھاتی ہیں، جس سے سونا دباؤ میں آتا ہے کیونکہ اس پر کوئی منافع حاصل نہیں ہوتا۔مارکیٹ میں اب یہ توقع بھی بڑھ گئی ہے کہ امریکی فیڈ اس سال شرحِ سود میں اضافہ کر سکتا ہے۔ فیڈ کے 19 میں سے 9 پالیسی سازوں نے اس امکان کی نشاندہی کی ہے۔ CME FedWatch Tool کے مطابق دسمبر میں شرحِ سود میں اضافے کے امکانات 85 فیصد تک پہنچ گئے ہیں۔دیگر قیمتی دھاتوں میں بھی اضافہ دیکھا گیا چاندی 1.5 فیصد بڑھ کر 69.03 ڈالر فی اونس، پلاٹینم 1.3 فیصد اضافے کے ساتھ 1,759.77 ڈالر اور پیلیڈیم 1.4 فیصد بڑھ کر 1,330.26 ڈالر فی اونس پر پہنچ گیا۔