ہیلی کاپٹر پر حملے سے کوئی تعلق نہیں ہے، ایران
ایرانی نائب وزیر خارجہ کا کہنا ہے کہ تہران کا امریکی اپاچی ہیلی کاپٹر پر حملے سے کوئی تعلق نہیں ہے۔ایران کی جانب سے امریکی ہیلی کاپٹر کو جان بوجھ کر نشانہ نہیں بنایا گیا۔ آبنائےہرمز کی کشیدہ صورتحال میں ایسے واقعات غیرارادی طور پر پیش آسکتے ہیں۔ایرانی عسکری ذرائع کےمطابق ہرمز میں 24 گھنٹوں کےدوران کوئی فضائی کارروائی نہیں کی گئی۔
ایک امریکی عہدیدار کا دعویٰ ہے کہ امریکی ہیلی کاپٹر سے ایرانی ڈرون ٹکرایا تھا تاہم ابھی تک یہ ثابت نہیں ہوا کہ ایسا جان بوجھ کر کیا گیا، تحقیقات جاری ہیں۔
