rehber Logo

ٹریفک قوانین کی مؤثر عملداری کے لیے آج سے شارع فیصل پر لین کی خلاف ورزی کرنے والے ڈرائیورز کے خلاف ای چالان کا نظام نافذ کر دیا گیا ہے۔ ابتدائی مرحلے میں یہ اقدام صرف شارع فیصل تک محدود رکھا گیا ہے، تاہم آئندہ مرحلوں میں اس نظام کو شہر کی دیگر اہم سڑکوں اور شاہراہوں تک بھی توسیع دی جائے گی۔

ٹریفک پولیس کے مطابق اس اقدام کا مقصد شارع فیصل پر ٹریفک کے نظام کو مزید منظم اور مؤثر بنانا ہے۔ شہریوں سے اپیل کی گئی ہے کہ وہ اپنی گاڑیاں مقررہ لین میں چلائیں تاکہ ٹریفک کی روانی برقرار رہے اور حادثات میں کمی لائی جا سکے۔ سڑکوں پر نصب کیمروں کی مدد سے لین کی خلاف ورزی کرنے والوں کی نشاندہی کی جائے گی، جس کے بعد ای چالان متعلقہ افراد کو موبائل فون یا گھر کے پتے پر بھیج دیا جائے گا۔ اس منصوبے کے آغاز سے قبل عوامی آگاہی مہم بھی چلائی گئی تھی تاکہ شہریوں کو نئے نظام سے متعلق معلومات فراہم کی جا سکیں۔ حکام نے اس بات پر بھی زور دیا کہ ٹریفک نظم و ضبط برقرار رکھنے میں عوام کا تعاون انتہائی اہم ہے۔ لین ڈسپلن کو یقینی بنانے سے سڑکوں پر ٹریفک کی روانی بہتر ہوگی، جبکہ حادثات میں کمی اور محفوظ سفر کو فروغ ملے گا۔