پاکستان سٹاک مارکیٹ میں کاروبار کے دوران مندی کا سلسلہ برقرار

پاکستان سٹاک مارکیٹ میں کاروبار کے دوران مندی کا سلسلہ برقرار ہے۔کاروباری ہفتے کے پانچویں اور آخری روز بھی کاروبار کے آغاز پر سٹاک ایکسچینج میں منفی رجحان دیکھا گیا ہے، 1000 سے زائد پوائنٹس کی کمی کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 65 ہزار 365 پوائنٹس کی سطح پر آ گیا۔

گزشتہ کاروباری دن کے اختتام پر ہنڈرڈ انڈیکس 952 پوائنٹس کی کمی کیساتھ ایک لاکھ 66 ہزار 498 پوائنٹس کی سطح پر بند ہوا تھا۔

امریکا میں شرح سود میں اضافے کے خدشہ کے باعث ایشیائی مارکیٹس دباؤ کا شکار ہیں۔جنوبی کوریا کے کوسپی انڈیکس میں 3.79 فیصد مندی دیکھی گئی، انڈونیشیا کے جکارتہ کمپوزٹ انڈیکس میں 2 فیصد کمی ہوئی ہے، جبکہ جاپان کے نکی انڈیکس میں 1.61 فیصد گراوٹ دیکھنے میں آ رہی ہے۔ ہانگ کانگ کے ہینگ سینگ انڈیکس میں ایک فیصد مندی دیکھی گئی ہے، جبکہ چین کے شنگھائی کمپوزٹ انڈیکس میں معمولی اضافہ ریکارڈ کیا گیا ہے۔