rehber Logo

تھانہ سندر کی حدود میں مبینہ پولیس مقابلے کے دوران ایک ڈاکو ہلاک جبکہ اس کے ساتھی فرار ہوگئے۔پولیس کے مطابق مبینہ مقابلے کے دوران ایک ڈاکو اپنے ہی ساتھیوں کی فائرنگ سے ہلاک ہوا۔ ہلاک ملزم کی شناخت ریاض کے نام سے ہوئی ہے۔ہلاک ڈاکو تین درجن سے زائد مقدمات میں ملوث اور پولیس کو مطلوب تھا۔مبینہ مقابلہ سی سی ڈی چوہنگ اور ملزمان کے درمیان ہوا۔ سی سی ڈی چوہنگ کی ٹیم نے سندر روڈ پر مطلوب ملزمان کی موجودگی کی اطلاع پر ناکہ بندی کی تھی۔موٹر سائیکل پر سوار مشکوک افراد کو رکنے کا اشارہ کیا گیا، تاہم ملزمان نے رکنے کے بجائے سی سی ڈی اہلکاروں پر فائرنگ کردی۔

پولیس کی جانب سے واقعے کی مزید تحقیقات جاری ہیں جبکہ فرار ہونے والے ملزمان کی گرفتاری کے لیے کارروائیاں کی جا رہی ہیں۔