rehber Logo

امریکی صدر ڈونلڈ ٹرمپ نے پھر دعویٰ کیا ہے کہ امریکا کو آبنائے ہرمز پر تقریباً مکمل کنٹرول حاصل ہے۔سوشل میڈیا پلیٹ فارم ٹروتھ سوشل پر بیان میں انہوں نے کہا ہے کہ ہم ایران کو دوبارہ مذاکرات کی میز پر لانے کے لیے دباؤ ڈالنے کی کوشش نہیں کر رہے۔امریکی صدر نے ان رپورٹس کو بھی مسترد کر دیا ہے کہ جن میں کہا جا رہا تھا کہ واشنگٹن تہران کے ساتھ کسی نئے معاہدے کا خواہاں ہے۔

ڈونلڈ ٹرمپ نے کہا ہے کہ مجھے امریکا کی موجودہ پوزیشن زیادہ بہتر لگ رہی ہے، کیونکہ آبنائے ہرمز پر تقریباً مکمل کنٹرول حاصل ہے جبکہ ایران کی معیشت مکمل طور پر تباہی کی جانب بڑھ رہی ہے۔ ایران ناقابلِ تلافی انجام کی طرف بڑھ رہا ہے۔انہوں نے سوال اٹھایا ہے کہ ایرانی عوام کب اٹھ کھڑے ہوں گے اور مزاحمت کریں گے؟